#حبك_شبح_كامله اطول قصيده كتبتها على خمس اجزاء...... #محمد_تيكو
#حبك_شبح_كامله اطول قصيده كتبتها على خمس اجزاء
واقرب حاجه كتبتها ليا حبيت انشرها كامله وانا عارف ان طبعا محدش هايقراها
كامله لانها طويله جداا بس حبيت تبقى ذكرى وهي اخر شعر هانشره على الاقل ف
الفتره دي
حبك شبح
ساكن مابين حرفي وكلامي
ضلك يضلل موكبي وقت السفر
كان ف الرحيل من بين عنيكي نجدتي
وبقائي فيهم شئ أكيد سكة هلاكي
تعرفي..
حالف بنني العين وقلب انا بعشقه
كان الدوا مفعوله سم ف وقت دائي
كف ايدك كان يداوي ف جرح صابني بالموده
تعرفي .. انا كنت بهدى
زي طفل برئ مسلم نفسه ليكي
كنت برضى
كنت برضى ينام ف حضنك بين إيديكي
يتوه ف حدوتة محبه
يرسم غطاه بحنيتك
يشرب ف تركيبة شفى
من نبع سايل م الشفا
ويخلى قلبك له مخده
وف وقت سلمه يلقى طعنه
بسهم مسنون بالقلق
منقوع ف هم محقون ب سم
ف عرقه جاري بيخطلت
مع دم ساري بحرقه يقتل كل شئ
والخوف ف حضنك يبقى فكره بتتولد
ضاع الأمان يصبح جبان
والطفل فيا بإيدك انتي ف حضنك انتي بيتؤد
يتحول احساسه البرئ لشعور مرض
فيه اتفرض
يلمح يشاهد فصل ينهي المسرحيه
فيها البطل وسط الطريق
يلفظ ف انفاسه الاخيره
ميت ولكن بالبطئ
يصبح غريق عمال يدور ع النجاه
يلقى الضفيره يشد فيها يقول دي هي
هتبقى ليا سر الحياه
حتى الضفاير تخذله
تبقى النهايه ف أوله
تعرفي..
طبعك غريب بيحوله
ولشخص تاني يبدله
يهرب بعيد عن سكة العتمه ف وجودك
خارج حدودك
يلقى النهايه ف الهروب منك و لك
يرجع كأنه مدمنك
لا تكمليه..لا يكملك..
حبك شبح
لا مش شبح
طيفك معادش يهمني
مش باقي ليكي ذكرى فيا
او حتى شوق بيشدني
خلصت خلاص المسرحيه
دي مش نهايه تهدني
#راح_الشبح بين السراب
أصبح عدم ملهوش وجود
كان زي ضل وكان #غراب
كان عش هش وكان سدود
وف نني عيني كان تراب
خلاني جاهل بالحقيقه
بس أكتشفت200طريقه
تبعدني عن لعنة #بحبك
واجعني إدمانك ف سيبتك
بعد اما عشت ف نار وحيره
كنت الأسير لسنين طويله
كنت اما بلمح #ليل_فراق
#برمي_الدوا وادخل سباق
مع 1000أهه و1000داء
لجل اني اعيش #ميت_ف_حضنك
وشربت منك1000كاس
السم فيهم كان اساس
احساسي بيهم يرتوي
من أجل رؤيه لأنعكاس
لعنيكي وانتي بتضحكي
قلبي #بيقبل_يتكوي
والنظره تحكي #مفيش_رجوع
والشوق يكسر ف الضلوع
تسبقني من عيني الدموع
واترجى ساعه استسمحك
فجأه اكتشف ان انتي وهم
#حبك_شبح والصوره طيف
وعنيكي كدبه وضحك زيف #والرمش_سهم
قلبي اللي كان جنبك ضعيف
ياخد قرار ينهي الحصار
نكس #رايات_الانكسار وكفايه هم
كتر الجروح #مسبش_فيا_انا_اي_دم
بالباقي منهم برسمك
وانا كل همي أندمك #لو_تعرفي
وابقى انا #جن_الملك
تقري عليا وتصرفي
حبي اللي زاد حد الجنون
وارمي #تعويذة_سجين
أرمي القسم بيه احلفي
بس الحقيقه هاتعرفي
لا حبي ليكي ف يوم #نجح
لاهروبي منك يوم #فلح
ملقتش غيره #مصطلح
يوصف #حقيقة_موقفي
#حبك_شبح
لامش شبح
حبك ملاك حبك صديق
دلوقت جه معاد القا
وانا كنت نايم نوم عميق
والجسم كان هده الشقى
ف السرير زي الغريق
عيل برئ....#حاضن_أوي_ف_مخدته
الدنيا واخداه وهدته
وايديه ف بعض مشبكه
بسنانه كان بيعضها
رجليه بتحضن بعضها
ع الجنب نام وبدون غطا
والذكري كات متعلقه #على_بعد_متر_من_السرير
#برواز_بلاستيك كسره
يصعب يشوفه بمنظره
قام لزقه #بصباع_الأمير
قتله الضمير كان غيره مين ف الوحده جنبه يصبره
كان أولى انه يقدره
مع انه برده محيره تاعب ف قلبه كتير معاه
كل اما ينسى يفكره
أنه انهارده مقلش أه
فارش ملايه من الحرير او حتى خيش
مش فارقه عادي ان كان يعيش
يستنى فيكى وميلاقيش
طيفك بيجي ف موعده
ده شئ غريب يستبعده
الحلم بيكي استعبده
بس الأمل بيجدده
مع قفلة العين بالسعات
يسمع ف صوتك من سكات
والقلب دقدق ف الصدور #بين_الرئات_يتنفسك
تمتم بأسمك #يهمسك
ويمد إيده وطرفها وكأنه يعني #بيلمسك
تنزل #سلاسل_من_دهب تعكس ف نور
ردت بصر #جفنه_الحزين تعبر سدود تهدم حدود سره الدفين
واتسكنت واتحكمت بين العنين
تبني الجسور #درجات_سلالم_م_القمر
فوق طرف شباك غرفته
#زفة_نجوم والرعد #دقدق_طبلته والبرء كان زي #فلاشات
زفه ل تنين مشهورين
بابيون
#بايون_بلون_القلب_أحمر
فستان وبدله والسحاب ببياضه يشبه لجناحات
وحصانك المشهور كتير
جوه القصص
ملكه وامير
والكون مبارك #للزفاف
م الرعشه قام #شد_اللحاف
فستانك المظبوط تمام
كان زي مانتي بتطلبيه #عريان_شويه_من_الكتاف
حتى اتخانقنا كتير عليه
طب ما انتي عارفه اني بخاف
من نني حاسد يلمحك
وبسهم عينه هايجرحك
بس انهارده مفيش بشر
زايل #شعوري_بالخطر
حتى المطر ينزل على هيئة ندى
صوت فرحتي يعلى على حد الندا
#صوتي_اتنبح_صوتي_انجرح
#دق_الوتر وف نص حلمي سمعت صوت
#الرقصه_لسه_بتبتدي محتاج سكوت
أو حتى اموت وقفوا خبط البيبان متخبطوش
حطوني حتى ف #ميت_تابوت متكملوش
ياخسارة #الحلم_الجميل متصحونيش
بالوهم بيها انا بس اعيش
بصالي ليه بصة وداع متبصليش
ولا حتى مسموحلك تلومي
بتلومي ليه لا متلوميش #واتصرفي
بس الحقيقه #هاتعرفي
لا حبي ليكي ف يوم #نجح
لا هروبي منك يوم #فلح
ملقتش غيره #مصطلح يوصف حقيقة موقفي
#حبك_شبح
فعلا شبح
واضح وجوده ف كل شئ
بين الكلام بين السطور جوه الكتب أو ع الطريق
بين الحقايق والحرايق
وف نني عين كل الخلايق والصدف
بين اللعب بين التحف
وف رعشة الضوء الضعيف
وبصوت خفيف يرقص على هزة نجف
جوه الشغف لحروف قصيده بتتكتب
هو السبب هو العجب هو الشقى هو التعب
والعقل وقت مايتغلب
هو السبب
والحجه فوق الشماعات
ساكن ف صوت السماعات
كل الحاجات
علبة سجايري وولاعات
ساكن ف دقات الساعات أو ع الحيطان
دمعة شموع الشمعدان
واقف ورا كل البيبان
ساكن شقوق اتفتحت جوه الجسد
جوه انكسار عزة أسد
ف الركن وف كل الزوايا الضيقه
ف الحلم وف كل الرؤى
حزمة أماني معلقه أحلامها في رقبة زمن
هو الخيال المنطقي
ساكن ملامح وشهم
بين الحقيقه وغشهم
ساكن تفاصيل الحياه عايش ف ناس بحتاج لهم
صوت الأهات وقت الدموع وكسر عيني وذلهم
ساكن ف ضحكه للنهار و هو عتمة ليل طويل
هو شئ دون أختيار و هو نفسه يكون بديل
نفس الدليل لثبات وجوده م العدم
صوت السكوت بيدق خطوات القدم
هو الملك هو الخدم ودليل نهائي لنفيهم
أوقات يكون طير بجناحات أو حتى واحد منهم
أوقات بيظهرلي ملاك وكتير شبح من وسطهم
ملعون ابو كل الجاجات
ملعون ابوهم كلهم
ملعون كفوف متقيدين
ملعون وعود الكدابين
ملعون عنيكي وسحرهم
دلوقت راح وقت السكات
واتمرد القلب السجين
مقدرش اعيش زي الغريق داخل عيون الشمتانين
مقدرش اكون وحدي البرئ عايش مابين المجرمين
لو كنتي لي أرض الخيال
آن الآوان تتكتفي
دلوقت انا حر وياريت من عيني لازم تختفي
اعلنت فيكي تطرفي
بس الحقيقه هاتعرفي
لا حبي ليكي ف يوم نجح
وعشان هروبي يكون فلح
غيرت نطق المصطلح
اهو يعني كان#مات_الشبح
بس الشبح رافض يموت
حالف يعود كل اما عيني يغمضوا
يرجع عشان قربت افوق
وبكل ذوق يعدم مدد كان جاي لقلبي يعوضه
يفرد جناحه على السنين
يبعت عواصف م الحنين
وعنيا تسقط ف الكمين مقدرش الاحق ع الصور
حارس ف مرمى من الوجع كفيف ومش شايف كور
جبت البخور والمبخره والشعره من دقن الشيوخ
خطيت برجلي المقبره والشعر شاب فوق النافوخ
لفيت حفيت وبقيت بدوخ ونفخت روحي ف العقد
دقيت طبول الزار مرار ورميت طلاسم ف الأوض
ورسمت صورتك ع الصليب
تمتمت كل كلام غريب
فوق وش كوباية حليب زودت زيت وشربتها
جبت العرايس كلها خرمتها
لميت جدايل م الهوا ضفرتها
وقليت رجول الخنفسا مع ورك نمله معنسه وطبختها
صابني الجنون لميت ودان اربع قطط مع عرف ديك اسود حزين
بقى نومي يشبه للجنين جاهل مكانه وموطنه
كان نفسه حد يطمنه أو حد يعرف يصرفك
حبك شبح مقدرش سحر يكتفك
فاتت سنين عايش ذليل بستحلفك ولا مره طيفك يختفي
من دمي اكتر تشربي من دمع عيني بتغرفي
بس انهارده هاتعرفي!!
مليت خلاص ذل الهروب مليت خلاص ضل الغروب
مليت هزيمتي ف الحروب مدام نهايتي ف أولك
أتفضلي مضطر إني استحملك
وبدال ما اكون كومة صدا أفيد كتير أستعملك
فاتح ف صدري للشبح وف حضني جاي استقبلك
واقف على طرف السحاب والأكتئاب فيا اتغسل
طيفك بيضحك من بعيد يرجع شباب يكشف ف ناب نازف عسل
ف شربت منهم نقطتين والطعم بيره
مد الإيدين شد اليمين ف إشاره للرقصه الأخيره
تعزف ضلوعي المكسورين من دون جبيره بصوت ألم
احساسي شخص ف مشنقه فجأه اتعدم
والرقص كان حافي القدم
ف البوسه خدك كان عدم ومحستوش
ألمس ف جسمك كان يبوش ونني عينك كان لهب
خنجر ف إيدك كان دهب والطعنه شقت قلبي شق
الكون ف عيني بيتحرق
الدم مني بيتسرق وسط النزيف
تغرز مخالبك ف الكتاف وضهري كان زي الرغيف
الحضن كان جداا لطيف الحضن كان جداا مخيف
الحضن كان من بعد جوع وعلاقه بينا اتطورت
رمشك بيأذن للخضوع والدنيا فينا اتعورت
شيطان هواكي بينتزع أخر نفس
وشطاني يرفض يدخلك او فيكي يرجع يتحبس
انا وانتي لعنه من الزمن انا وانتي وعد بموت بطئ
انا وانتي ضد لضدنا وضد بعض ف كل شئ
وعشان يعيش الكون برئ
وف يوم هروبي يكون فلح
قررت اكون حبك أنا
قررت اكون زيك شبح
#حبك_شبح تمت......
#محمد_تيكو
تعليقات
إرسال تعليق