#جديده 4/8/2017 #انا_وانتي_قدامي.... #محمد_تيكو



#جديده
4/8/2017
#انا_وانتي_قدامي
الصيف بيبهت ع الوشوش بالحرق
والشمس تخرج لجل ماتنفذ قراره
الذكرى تطهو ف القلوب بالسلق
وعنيكي سر الوجع من كويتي بناره


المشي ع الكورنيش مع ليل هزيل ضعفان
مع صوت لموج عالي م الشط كان غضبان
مع صوره ممسوحه من لوحه للتايهين
ناس ع الرصيف نايمين
وانا وحدي ف الزحمه...انا وانتي قدامي!!
ماسكين لقانا ف إيد والتانيه أحلامي
بخطف كلام قولتيه وعلينا بتصنت
واشوفنا فين رايحين..
عن عين بتحضن عين
وحياتي ضميني
تفوقي وبتضحكي عنك تذوقيني
مش قابله سرقة شوق وتقومي باصه لفوق
واخطفها بالعافيه ..مع إنه بمزاجك
قال يعني مش بالرضى ف ارجع واجبهالك
ونعيد كتير ف السلف وارجع أرد الدين
العين تدوب ف العين والشوق يغرق بحر
يكفيني هذا السحر من عينك البني
النني يحضني واتوه ساعات وسنين
انا كنت مش حاسس ان احنا متراقبين
وان السبب اني
دلوقت ف الحاضر برجع واعيد ذكرى من ماضي ضاع مني

انا وانتي متفقين بس انتي غيرتي
ليه فجأه قررتي تدي التاريخ عنوان أو فرصه للتدوين
ليه يلقى بينا مكان وطريقه للتكوين ويلاقى عرش وروح
انا وانتي شئ م البوح بإيديكي كممتيه
قلبي اللي جيتي عليه
منساش هواكي الحر
طعم الحياه مش مر
مع إنه مش بيمر على قلبي متحلي
الوعد مستني أخر قرار بينا
قررتي تتخلي عنا لناس غيرنا
وبنيتي هذا الجسر عكس اتجاه سيرنا

ونسيتي ماف الكادر
مشهد بيقلب غدر على شاب شاف الموت
بس التابوب مرديش يقفل على صباعو
العجز بيره غويط مع وسعه مايسعنيش
مع قبر يشبه نيش حضنك فقط ساعو

-ياحبيبي انت بخير ؟؟
*والله شبه تمام طول وقفتك جنبي
-ياحبيبي عندي كلام انا طالبه تعذرني مهو برده مش ذنبي
مش عارفه ايه الجاي او انت امتى تقوم
فيا كلام مكتوم واجع كتير قلبي
*ارجوكي متقوليليش.."
انا برده منفعكيش تستاهلي شئ احسن
واهو برده يستحسن تعيشي ايامك
السكه قدامك تضحك وبتنادي
والله ده العادي مع انه شئ مش سهل
فضلتي رأي الأهل على وعد كان بينا
-ياحبيبي مش ذنبي والله مغصوبه
*اللعبه مش أرواح القصه سبوبه
واهو يعني ذنبك ايه اللي انتي بتحبيه
فيه حاجه معيوبه..

قفلتي ومشيتي؟؟
ووراكي خليتي واحد بيتجسس على نفسه وياكي
على ذكرى كات بينكم يحبي ورا طيفكم
لساه بينبض روح لساه بيملك دم
عايش وقلبه سليم لكن يتيم الام
فاقد لاحضانك لكنه بيراقب وبيقسى ويعاتب طيفك من الذكرى
تلاقيكي مش فاكره ونسيتي قصتكم
الاهل قصت كم من صوره جمعتكم
وقت اندماج الروح
الصوره نازفه جروح بتشوه الماضي
البحر كان فاضي ولوحدي بتمشي ف الزحمه ع الكورنيش
بصتلي ملقتنيش انا وانتي قدامي....
#محمد_تيكو

تعليقات

إرسال تعليق

المشاركات الشائعة من هذه المدونة

#حبك_شبح_كامله اطول قصيده كتبتها على خمس اجزاء...... #محمد_تيكو

# حبك_شبح_كامله اطول قصيده كتبتها على خمس اجزاء واقرب حاجه كتبتها ليا حبيت انشرها كامله وانا عارف ان طبعا محدش هايقراها كامله لانها طويله جداا بس حبيت تبقى ذكرى وهي اخر شعر هانشره على الاقل ف الفتره دي حبك شبح ساكن مابين حرفي وكلامي ضلك يضلل موكبي وقت السفر كان ف الرحيل من بين عنيكي نجدتي وبقائي فيهم شئ أكيد سكة هلاكي تعرفي.. حالف بنني العين وقلب انا بعشقه كان الدوا مفعوله سم ف وقت دائي كف ايدك كان يداوي ف جرح صابني بالموده تعرفي .. انا كنت بهدى زي طفل برئ مسلم نفسه ليكي كنت برضى كنت برضى ينام ف حضنك بين إيديكي يتوه ف حدوتة محبه يرسم غطاه بحنيتك يشرب ف تركيبة شفى من نبع سايل م الشفا ويخلى قلبك له مخده وف وقت سلمه يلقى طعنه بسهم مسنون بالقلق منقوع ف هم محقون ب سم ف عرقه جاري بيخطلت مع دم ساري بحرقه يقتل كل شئ والخوف ف حضنك يبقى فكره بتتولد ضاع الأمان يصبح جبان والطفل فيا بإيدك انتي ف حضنك انتي بيتؤد يتحول احساسه البرئ لشعور مرض فيه اتفرض يلمح يشاهد فصل ينهي المسرحيه فيها البطل وسط الطريق يلفظ ف انفاسه الاخيره ميت و...
قراءة المزيد

#قصيده_مهجوره...... #محمد_تيكو

#قصيده_مهجوره بدأت خيوط الليل تبان والشمعدان شايل شموع مقلوب على طاولة سكوت عماله تنظر للقلق بالأحترام ومعاه خضوع مترقبه دق البيبان من كف جن الأغتراب ومعاه سراب معزوم على عشوة دموع والعنكبوت خايف يعشش بين شقوق حرف القصيده الحائره لم الخيوط من فوق حروف كانت بتوصف ف الندم باتت زمن تشفي الجروح الغائره كانت تأيد ف المدفئه شعلة أمل والشعله كانت كافره صرخ السكوت وعيوني عاجزه تشوف فراغ والدم يغلي ف الدماغ معجون بعجنه م البواخه والصداع حسيت ضياع كتلة حقيقه دمعت رعشة كفوفي وضحت إني ضعيف حتى القلم مهزوز ف إيدي م الثبات إحساس مخيف والحبر مات والكذبه فجأه اتصنعت رنة قلم عل الارض بانت سمعت لما وقع ف حدود صراعي الداخلي الجلسه في حضن العدم واما احتدم بينا الصراع ان كان بقائي ف الرحيل خطة خداع الجني مادد ف الدراع يسحب بقايا كات تقول إني هنا إزاي ينول ف ايده مصيري؟؟ وازاي يكون الليل ضميري؟!! مجنون بديلي وعنده حل المسأله أشرحله ايه مش مقتنع عن فهمي جايز ممتنع ولنفسي عايش مستمع باقي الشعور مسجون ف قلب المهذله ساكن هنا ف قصيده مهجوره انتهت........ #محمد_تيكو
قراءة المزيد